Gure ikastetxeak mantentzen duen kudeaketa-politika, gure jarduna estrategia eraldatzailearekiko koherentzian gidatzen duena, gure helburua betetzeko asmoarekin, horrela definitzen da:
Ikaskuntza gaitasun profesional zein pertsonalen lorpentzat hartzen dugu, eta ez ezagutzaren transmisiotzat, gure ikasleen prestakuntza-eskaerak eta itxaropenak asetzeko, haien ezagutzari, gaitasun profesionalari eta gizarte-erantzukizunari balioa emanez, eta haien enplegagarritasuna erraztuz. Gure aukera metodologikoak ikaskuntza du helburu, eta ez irakaskuntza. Horretarako, estrategiaren garapena lau ikuspegi hauek kontutan izanda lantzen da:
– Teknologikoa
– Pertsonei zuzendua
– Planeta zaintzera bideratua
– Erakunde berrietara bideratua (erakunde adimendunak)
Ikastetxeak bere talde osoaren garapen profesionala bultzatzen du, prestakuntzarako sarbidea erraztuz eta proiektu estrategikoetan parte hartzea sustatuz. Halaber, langileen segurtasuna eta osasuna bermatzen ditu era integral batean, ongizate fisikoa, psikikoa, emozionala eta soziala barne.
Lan-ekosistema hauetan antolatu gara gure helburu estrategikoak lortzeko:
- Konplexutasunaren kudeaketa
- Berrikuntza eta eraldaketa digitala
- Nazioartekotzea
- Jasangarritasuna
- Talentuaren kudeaketa
- Garapen pertsonala eta profesionala
Nazioko eta nazioarteko enpresekiko lankidetza funtsezko tresna da gure ikasleen eta irakasle-taldearen gaitasunak hobetzeko. Gainera, irtenbide teknikoak eta prestakuntzakoak bilatzeko orduan sinergiak eta lankidetza-proiektuak sortzeko funtsezko aukera da.
Ingurumen-kudeaketa on baten garrantziari dagokionez, gure jarduerak ingurunean duen eragina minimizatzera eta gure gizartearen garapen iraunkorra sustatzera deliberatuta gaude. Horregatik, eta ingurumena babesteko dugun konpromisoaren ebidentzia gisa, zentroak Garapen Jasangarria ezarri du ildo estrategikotzat, gure ingurumen-inpaktua minimizatzea barne. Ingurumenaren arloan etengabeko hobekuntza bilatzen dugu, legeria betetzetik harago, gure jarduerekin, produktuekin, zerbitzuekin eta horien hornidurarekin lotutako ingurumen-alderdiak identifikatuz, ebaluatuz eta esanguratsuak jotzen direnentzako programak ezarriz.
Gure alderdi interesdunek ingurumenari buruz duten informazioak, sentsibilizazioak eta prestakuntzak agerian uzten dute, halaber, erakundearen ingurumen-konpromisoa, baita GJH-ak lortzeko hartutako konpromisoa ere.
Horrez gain, ikastetxeak kalitatea eta etengabeko hobekuntza definitu ditu bere politikaren eta estrategiaren funtsezko zati gisa, eta, horretarako, prozesu bidezko Kudeaketa Sistema Integratu bat ezarri da, haren eraginkortasuna eta haren jardun-esparruen jarduna hobetzea bermatzen duena.
Politika hau aldizka berrikusten da, arau-betekizunetara, alderdi interesdunen beharretara eta hezkuntza- eta lanbide-ingurunearen bilakaerara egokitzen dela ziurtatzeko.